«Сөзбен сурет кестелеген ақындар»

 
 
   Тәуелсіздігіміздің 30 жыл толуына орай, Абай атындағы кітапханада №46 орта мектеп кітапханасымен бірлесіп «Алтын тобылғының» иегері атанған ақын, Халықаралық «Шабыт» фестивалінің жүлдегері, Қазақстан жазушылар одағы облыстық филиалының директоры Хамит Есаманмен «Сөзбен сурет кестелеген ақындар» атты кездесу кеші өтті. Шара барысында ақынға сөз беріліп, туып өскен жері, қызметі, шығармашылығы жайында сұрақтар қойылды. № 46 орта мектебінің 5 «А» сынып оқушысы Амангелді Мерей, 8 «Ә» сынып оқушысы Кемаладин Аружан «Ерке сылқым» және «Салкүрең» күйлерін орындап шықты. Абай кітапханасының қызметкерлері ақынның туындыларынан жасақталған «Поэзия – сөз өнерінің алтын тәжісі» - атты кітап көрмесіне шолу жасады.
Сырлы сұхбатқа толы болған әсерлі кеште жастар ақын өмірі мен шығармашылығымен, адами болмысы мен рухани әлемімен жақын таныса алды. Талантты ақынға оқушылар тарапынан қызығушылықтары артты. Түрлі сұрақтар қойылып, өлеңдерінен үзінділер оқылды. Ақынның жүрегін жарып шыққан жырларын тыңдап, өлеңдерімен рухани сусындады.