«Инабатты ару- 2019 »

[/center]
8-наурыз Халықаралық әйелдер күні мерекесіне орай, қыздар арасында байқау өткізілді. Мақсаты: Нәзік жанды аруларымыздың қоғамдағы рөлінің айтарлықтай екендігін дәлелдеп, оларға қуаныш сыйлау. «ИНАБАТТЫ АРУ – 2019» Байқауда аудандық білім бөлімінің басшысы Кожатаева Күлшат Кеңесқызы сөз сөйледі.Бірқатар ауданымыздың мектеп тәлімгерлерін және ауданымыздың белсендіжасұландықтарын марапаттап, құттықтады. Келесі сөз кезегі байқаудың қонағы, «Асыл Арман» ұлттық дәстүр мен өнерді қолдау қоғамдық бірлестігінің төрағасы –Нұрақбаев Ринат Даниярұлына беріліп, сөз сөйледі. Оқушыларымыз 3 бөлім бойынша өз өнерлерін көрсетеді. «Сымбат пен сыры жарасқан» бөлімі бойынша қазақ қызы мен келінге тән әдебін таныстыру арқылы көрсетеді. «Анадан тәлім алған қыз» бөлімі бойынша ас өнері мен қолөнер шеберліктері жұмыстарын және салт-дәстүрге байланысты ұлттық таным тұрғысындағы сұрақтарға жауап береді. «Қыз өссе, елдің көркі» бөлімінде халқымызға тән ән, би, көркем шығармаларды орындау бойынша өнерін көрсетеді. Байқау өте жоғары деңгейде өтілді. Балалар өте белсенді, өте дарынды. Биылғы жыл Елбасымыздың айтуымен «Жастар жылы» деп жарияланды. Ел болашағы жастардың қолында дейді ғой. Біз осындай белсенді жастар бар екеніне тағы да көзіміз жетті. Соларға қарап, қуанып отырмыз. Ұстаздарымыз бен мектеп белсенділерінің басын қосқан байқау мерекелік концертпен түйінделді. Байқауға қамтылған оқушылар саны – 9 оқушы, мұғалімдер саны- 68, шақырылған қонақтар саны – 18. Оқушылардың оларға деген ізгі ниеттерін көрсету.27 ақпан айында, Тараз қаласында 12 мектеп – гимназияда «Инабатты ару – 2019» байқауына қатысатын оқушылар арасында іріктеу кезеңі өткізілді. Қатысқан 22 үміткерлер арасынан іріктеуден мектебіміздің 9 «А» сынып оқушысы Шакенбаева Қазына таңдалды. 6 наурыз күні қалалық «Инабатты ару- 2019 » байқауы өтті. Байқаудан бас жүлде біздің мектебімізге бұйрып, Шакенбаева Қазына топ жарды. 26-27 наурыз айында облыстық «Инабатты ару-2019» байқауынан Шакенбаева Қазына бас жүлдені қанжығасына байлады. Жетекшісі Қарсыбаева Айман Мамырқызы да марапатталды.