№46 орта мектебінде Жетекші мектепке байланысты коучинг өтті

01.02.2020 жылы Тараз қаласы №46 орта мектебінде орта білім мазмұнын жаңарту бойынша қызметті ұйымдастырушы ретінде жұмыс істейтін серіктес мектептерімен қоғамдастықтың бірлескен жұмысын ұйымдастыру бойынша "Жетекші мектеп - жаңартылған білім мазмұнын жаңартуда сапаны басқарудың тиімді механизмі" тақырыбында коучинг өткізілді. Коучингті ПШО-ның Тараз қаласындағы филиалының тренері Ш.Қ.Альтаева жүргізді. Серіктес мектептер №28, №42 орта мектептердің деңгейлік бітірген көшбасшы мұғалімдері келіп қатысты. Коучинг барысында жалпы білім беретін ұйым мұғалімдерінің үздіксіз кәсіби дамуына және өзін-өзі дамытуына бағытталған жұмыс жоспарын Жетекші мектептің функциялары бойынша талдап, тәжірибені бейімдеуге арналған алаңдар құрылды. Жетекші мектеп пен серіктес мектеп оқушыларының ХХІ ғасыр дағдыларын қалыптастыруға ықпал ететін Сабақты зерттеу, Іс-әрекеттегі зерттеу, тәлімгерлік үдерісі, "Шаңырақ" қауымдастығы бойынша жұмыс жоспары талданды.